VOV4.M’nông – Kêng măng 6/6, ta Ngih kan Trung ương Đảng, Tổng Bí thư Nguyễn Phú Trọng lĕ rgum nchră gưl prêh đah Kruanh Đảng Mặt trận Giải phóng Mozambique (FRELIMO), Tổng thống Mozambique Phi-líp-pê Gia-xin-tu Ni-u-xi đah trong ƀư trực tuyến. Tâm mông nar dăch dêh, Kruanh Đảng FRELIMO, Tổng thống Mozambique uănh lah prêh nkô̆ nău, uănh khlay bah rơh rgum nchră tâm nău ntrôl tâm boh dăch dêh, kan ndrel uĕh lăng đah 2 dảng, 2 dak.

Ta ntŭk rƀŭn nchră

Tổng Bí thư Nguyễn Phú Trọng mĭn lah, Mozambique lah ngoăy tâm ăp dak Việt Nam kơl lor ntrôl dăng tâm boh ta châu Phi. Kruanh 2 đảng, 2 dak tâm ban ŭch ntrôl tâm boh kan ndrel đah Đảng Cộng sản Việt Nam n’hanh Đảng FRELIMO mât nău rƀŏng trong tâm nău hun hao tâm boh kan ndrel âk ntil đah 2 dak nar lơ ngăn ngên n’hanh săk rnglăy; ƀư uĕh nău geh n’hanh jâng nsan bah ăp ding gay ntrôl kan ndrel chính trị-tâm rnglăp nchră nău, wăng sa-tăch rgâl, rnă njrăng, ntĭm nti, pâl nđaih, văn hóa n’hanh tâm nđŭr nuĭh ƀon lan...

Nuĭh rblang: Y Sưng Phê Ja