VOV4.M'nông: Ôi 29/8, ta Nhih pah kan Trung ương Đảng, Tổng Bí thư Nguyễn Phú Trọng hŏ geh rơh mâp măt 80 nuĭh ntơh măt ntoh lư tât râng Đại hội đại biểu lam dak tâl 11 Hội Chữ thập đỏ Việt Nam năm kan 2022-2027. Đah nău ƀư lah Kruanh lư dơm bah Hội Chữ thập đỏ Việt Nam khóa X, Tổng Bí thư Nguyễn Phú Trọng mpơl nău rhơn dơi mâp nuĭh ntơh măt tât râng Đại hội, nkre njuăl tât lĕ rngôch ăp nuĭh tât râng Đại hội tâm ban kơt lĕ rngôch Hội viên hội chữ thập đỏ tâm lam dak ăp nău tâm rŏng dêh bên, nău ôp khâl ngăn n'hanh nău mbah rhơn uĕh lăng ngăn.

Tổng Bí thư Nguyễn Phú Trọng lah rjăp, rŏng nuĭh, kơl êng ndơ lah du nău uĕh, du nău way ơm khlay bah rnoi nuĭh he, mpơl nău tâm rŏng, nău uănh khlay n'hanh mât njrăng kon nuĭh; lah mâng weh bah nău rgâl mhe gĭt blău kloh rsang bah lam rêh jêng kon nuĭh. Tổng Bí thư Nguyễn Phú Trọng dăn đă, năm kan tât ăp gưl Hội tâm lam dak ân way uănh khlay pah kan rdâk njêng mpôl kan n'hanh cán bộ, hội viên bah Hội; ăp cán bộ, hội viên nsrôih pah kan, ntrôl nuih n'hâm rŏng nuĭh, mât uĕh tay nău khlay kan n'hanh nău nsing nơm bah Hội nar lơn ma têh./.

Nuĭh rblang: Điểu Thân