VOV4.M’nông- Ƀư tĭng bôk nău kan tâm mâp ƀon lan ta năp rơh rƀŭn nchră tal 3 Quốc hội Khóa 15, ôi nar 12/5, Tổng Bí thư Nguyễn Phú Trọng ndrel đah ăp nuĭh kan ndrel mpôl Đại biểu Quốc hội nkuăl ƀon têh Hà Nội, ntŭk kan săch kruanh mbrô 1, ƀư tâm mâp ƀon lan ăp quận Đống Đa, Ba Đình, Hai Bà Trưng geh ƀư đah trong trực tuyến tâm rgop đah sŏng dăng.

Ndơn kan an ăp đại biểu Qh ntŭk săch kruanh mbrô 1, Tổng Bí thư Nguyễn Phú Trọng dơn ăp nău tâm rgop, nău mbơh dăn răp jăp, lăp sŏng nău kan, na nê̆, ngăn ngên yơn geh nău khlăy n’hanh dơn kan bâh ƀon lan, ntop n’hao nău ueh mpeh kan bâh mpôl Đại biểu QH nkuăl ƀon têh Hà Nội n’hanh Quốc hội khóa 15. nkoch mbơh mpeh nău kan njrăng rdâng sa nkhiăn sa ƀer, Tổng Bí thư Nguyễn Phú Trọng an gĭt, ta rơh rƀŭn nchră Trung ương 5 mhe lôch mhe aơ, Trung ương lĕ dơn ngoăy âk nău kan njêng rnâng kan leo kan gâl n’gor mpeh njrăng rdâng sa nkhiăn sa ƀẻ gay ma n’hao tay ăp nău dơi geh tâm 10 năm ba năp njêng nău dơn ngoăy tât 63 n’gor nkuăl ƀon têh lam dak ntop njrăng, rdâng, ngăch saơ ăp nuĭh kan mô di mô ueh jêng tât sa nkhiăn, sa ƀer, mpŭng lir.

Nuĭh rblang: Thị Đoắt