VOV4.M’nông- ƀư tĭng bôk nău kan tâm mâp ƀon lan ta năp rơh rƀŭn nchră tal 4 Quốc hội khóa 15, Tổng Bí thư Nguyễn Phú Trọng mhe geh rơh tâm mâp ƀon lan ta 3 quận Đống Đa, Ba Đình, Hai Bà Trung, nkuăl ƀon têh Hà Nội. Geh dŭt âk ƀon lan ta 3 quận rnê âk nău kan bâh rnâng kan ntĭm leo Trung ương mpeh njrăng, rdâng sa nkhiăn, sa ƀer, nău kan mpŭng lir mô ueh yor Tổng Bí thư Nguyễn Phú Trọng leo hăn ƀư kruanh rnâng kan ntĭm leo, tâm rnôk  ba năp lĕ ntĭm đă răng dăng ăp ntŭk kan tư pháp uănh nđôi, ôp uănh, nduĭh rmal, ăp nău sa nkhiăn, sa ƀer, nău kan tih.

Tổng Bí thư Nguyễn Phú Trọng tâm mâp ƀon lan ta nkuăl ƀon têh Hà Nội.

Ta meng nĕ, ăp ntŭk kan Quốc hội, Chính phủ lĕ geh rmal kỷ luật hành chính ngăch ndăn. ndơn kan an mpôl Đại biểu Quốc hội Hà Nội, Tổng Bí thư Nguyễn Phú Trọng ryơk rnê  geh gĭt ăp nău tâm rgop na nê̆, nău nsrôih n’hanh geh nău dơn kan bâh ƀon lan. Di rơh aơ Tổng Bí thư lĕ mpơl nău ŭch Đảng bộ, n’gâng kan n’hanh ƀon lan Thủ đô Hà Nội an geh nsrôih hun hao têh dăng, ăp nar lơ ma n’hao nău kan bâh Thủ đô dak Việt Nam an ban ăp thủ đô ta lam ntur neh.

VOV/Nuĭh rblang: Thị Đoắt