Tổng Bí thư Nguyễn Phú Trọng ryơk lah ueh âk ăp ƀon lan n’hanh cử tri lĕ mât uănh n’hanh uănh na nê̆ nău pah kan bâh Quốc hội, tâm nĕ geh rơh rƀŭn nchră tal 5 mhe nơh.

Tổng Bí thư Nguyễn Phú Trọng lah na nê̆ Hà Nội lah thủ đô, lah ntŭk kan chính trị, ntŭk kan văn hóa ta lam dak. Yor nĕ, nuĭh Hà Nội an geh n’hao nău way ơm ueh ntơr, gĭt nău, dăch mêr n’hanh têh dăng, an geh rgum rdâk njêng ntŭk văn hóa, rdâk njêng kon nuĭh, rdâk njêng ntŭk gŭ rêh đăp mpăn, ueh lăng. Tổng Bí thư Nguyễn Phú Trọng đă ăp gâl kan, ăp nkuăl ƀon têh Hà Nội mât uănh na nê̆ ăp nău kan tơm khlăy aơ, geh dŏng tâm nău ngăn gay ma rdâk njêng Thủ đô an tâm di lah rbăn năm văn hiến, têh dăng, ueh ntơr n’hanh gĭt blău, Thủ đô bâh nău gĭt vât n’hanh nău mĭn ueh bâh kon nuĭh n’hanh âk nău ntơ êng đŏng.