Kêng măng 22/5, ta Nhih pah kan Trung ương Đảng, Tổng Bí thư Nguyễn Phú Trọng hŏ geh rơh tâm nchră đah Kruanh Đảng dak Nga dơn ngoăy, Groi kruanh Hội đồng rnă njrăng Liên bang Nga Dmitry Medvedev dôl geh hăn khâl ngăn Việt Nam ntơm bah nar 21 tât nar 23/5/2023 tĭng nău tâm ton tâm boh đah Đảng Cộng sản Việt Nam n’hanh Đảng “Dak Nga dơn ngoăy”.

Ta tâm nchră, bar kruanh rđău kan mpơl nău rhơn mpeh tâm boh tâm rnglăp way ơm uĕh lăng n’hanh tâm  boh lam lĕ rngôch đah bar dak n’hanh tâm boh lhăt đah bar Đảng nsing tâm nău nsing nơm chính trị têh, mpơl ma ăp rơh tâm khâl gưl têh đah bar dak, bar Đảng. lah rjăp Việt Nam way ŭanh khlay nău ŭch tĭng, ntop kơl khlay bah ƀon lan Liên Xô n’hanh ƀon lan Nga oh nô,  wa Tổng Bí thư lah rjăp trong kan tâm boh dak bah dih bah he, Việt Nam uănh khlay tâm boh tâm rnglăp way ơm, tâm boh têh jong lam lĕ rngôch đah Nga, Đảng Cộng sản Việt Nam uănh khlay nău hun hao  tâm boh đah ăp chính đảng ta Nga, tâm nê geh Đảng “Dak Nga dơn ngoăy”, ƀư jâng nsing chính trị an tâm boh  jŏ jong n’hanh nâp dăng đah bar dak./.