VOV4.M'nông- Kêng măng nar 25/8, ta tnŭk kan trung ương Đảng, Tổng Bí thư Ban chấp hành Trung ương Đảng cộng sản Việt Nam Nguyễn Phú Trọng lĕ tâm nchră đah Tổng thống Indonesia, wa Joko Widodo. Tổng Bí thư Nguyễn Phú Trọng lĕ rhơn wa Tổng thông mpeh ăp nău dơi geh têh kuăng, âk ding bâh Indonesia, tâm nĕ geh nău njrăng rdâng nuh srê Covid-19, ndâk nsơm nău wăng sa, ăp nău kan nchră nău đah dak bah dih dŭt nsrôih bâh Indonesia n’hanh ăp nău nsrôih tâm nău dơn kan lah kruanh G-20 năm 2022.

Tâm rnôk bar dak ntơm rơh hun hao mhe, Tổng Bí thư Nguyễn Phú Trọng lah na nê̆ du đê̆ trong kan têh khlăy lơn gay ma nău tâm boh bar dak hun hao têh dăng n’hanh na nê̆ tay lơn. Tổng Bí thư dăn đă an geh n’hao nău tâm gĭt vât ndrel, n’hao ăp nău way kan n’hanh ntrôl tâm kơl ta trong kan mât rnă njrăng ngih dak- rnă njrăng đăp mpăn. Tổng Bí thư lĕ dăn đă bar ding an geh ntrôl tâm kơl mpeh wăng sa, tâm rgop na nê̆ ta ăp nău ta nkual, lam ntur neh, tâm nĕ geh nău ta Biển Đông n’hanh tâm kơl ta ASEAN tâm ban kơt ăp rơh tâm mâp lam ntur neh êng.

Nuĭh rblang: Thị Đoắt