VOV4.M'nông: Ôi 8/6, ta nhih pah kan Trung ương Đảng, Tổng Bí thư Nguyễn Phú Trọng hŏ ƀư rơh tâm nchră gưl têh đah Tổng thống Hàn Quốc Yoon Suk-yeol ma trong pơk sŏng dăng.

Tâm nuih n'hâm dêh bên n'hanh tâm rnglăp, kruanh rđău kan bar dak rnê âk nău khlay bah rơh tâm nchră gưl têh, lơn lah tâm rnôk bar dak ƀư nkah ndray 30 năm nar njêng tâm boh. Tổng thống Yoon Suk-yeol mbah rhơn ăp nău dơi lam lĕ rngôch mpeh hun hao n'hanh ntŭk gŭ kan khlay ta dak bah dih nar lơn ma âk bah Việt Nam.

 Tổng Bí thư Nguyễn Phú Trọng lah rjăp nău uănh khlay đah tâm boh têh jong Việt Nam - Hàn Quốc; rnê âk nău nsrôih bah Hàn Quốc tâm rnôk hun hao ta Việt Nam, tâm nê geh nău tâm boh njrăng n'gang nuh srê Covid-19. Bar kruanh rđău kan tâm ban ŭch n'hao âk tơ̆ tâm mâp gưl têh; hun hao tâm boh tâm ăp trong kan njrăng n'gang neh dak, rnă njrăng; ntrŭt ntrôl tâm boh văn hóa, tâm boh đah ăp n'gor…

Nuĭh rblang: Điểu Thân