VOV4.Mnông- Ta rơh tât pah kan ta Quảng Ninh, ôi nar 6/4 Tổng Bí thư Nguyễn Phú Trọng leo bôk năp mpôl pah kan Trung ương lĕ tât khâl uănh nđôi rgŏ jă lĕ rngôch cán bộ nuĭh kan ta Công ty Cổ phần Than Vàng Danh Vinacomnin ta nkuăl ƀon têh Uông Bí.

Tổng Bí thư Nguyễn Phú Trọng tâm mâp nuĭh kan.

Lôch geh djăt uănh nđôi nău rêh bâh cán bộ nuĭh kan ta ntŭk gŭ nsum an nuĭh kan bâh công ty, tâm ngơi dêh bên đah ƀon lan, kĩ thuật viên, Tổng Bí thư Nguyễn Phú Trọng lah na nê̆ nău kan dŭt khlăy n’hanh nău way nuĭh pah kan Việt Nam lah nsum n’hanh n’gor Quảng ninh lah êng bâh kăl e tât aƀaơ dŭt têh kuăng tâm lĕ rngôch ăp rơh nđâp ta rơh tâm lơh tâm su, ta nău đăp mpăn n’hanh ta rơh rdâk njêng n’hanh mât neh dak aƀaơ. Tĭng nău mbơh bâh Tổng Bí thư Nguyễn Phú Trọng rơh nuĭh kan Việt Nam way geh ăp nău kan êng mô dơn lah ăp nuĭh pah kan blău ma an geh nău rêh văn hóa n’hanh nău tâm rŏng tâm pêt tâm kơl ndrel.

          Nuĭh rblang: Thị Đoắt