VOV4.M’Nông- Kêng măng nar 28/4, ta ntŭk kan Trung ương Đảng, Tổng Bí thư Nguyễn Phú Trọng lĕ vơt mpôl đại biểu gâl têh ngih dak Lào yor đồng chí Pnay Yathotou, groi kruanh dak tât khâl Việt Nam. Tổng Bí thư Nguyễn Phú Trọng rnê âk nău khlăy bâh rơh tât khâl mpơl na nê̆ nău ueh tâm boh kan geh nău knơm Việt Nam- Lào, lah na nê̆ nău khlăy bâh nău mô rlu ndâk nsơm n’hanh n’hao nău tâ boh Việt Nam-Lào đah nău đăp mpăn n’hanh hun hao  ta ăp ngih dak tâm ban kơt đah nău đăp mpăn, tâm kơl n’hanh hun hao ta nkual n’hanh ta lam ntur neh. Tổng Bí thư Nguyễn Phú Trọng rnê nău geh rơh tâm nchră đah bar đồng chí groi kruanh dak, dăn đă bar ding nsrôih, leo kan mbơh tơih ƀư an geh săk rnglăy ăp nău tâm ton đah nuĭh leo kan bar Đảng, bar ngih dak, tâm nĕ geh ndơ̆ tay nău tâm boh kan chính trị hăn ta na nê̆, tâm rgop đah mpeh mât rnă njrăng ngih dak, n’hanh nchră nău đah dak bah dih, ntrôl an n’hao nău ueh săk rnglăy tâm kơl mpeh wăng sa, văn hóa, ntĭm nti.

Nuĭh rblang: Thị Đoắt