Tổng Bí thư Nguyễn Phú Trọng rnê, uănh rnê âk nău khlăy rơh tât khâl Việt Nam bâh Thượng tướng Anvarô Lôpêt Miêra tâm rnôk 2 dak mpŏng tât kahgĭt 50 năm nuĭh leo kan Phidel Castro tât khâl nkual rklaih đăp mpăn ta Quảng Trị, mpơl nău knơm rơh tât khâl mbra ntop ndâk nsơm n’hanh ƀư ueh tay lơn nău tâm boh tâm rnglăp way ơm khlăy đah 2 Đảng, 2 dak n’hanh tahen 2 dak.

Tổng Bí thư lah na nê̆ Việt Nam mbra nsrôih lĕ soan nơm tâm nău geh n’hanh nău dơi bâh Việt Nam gay ma kơl an Cuba tĭng nău mĭn “Yor Cuba, Việt Nam mbra nsrôih âk lơn tâm nău dơi bâh nơm gay ma kơl an Cuba rlet rlău ăp nău jêr, ntul rlong bôk năp”. Tổng Bí thư rnê âk nău kan khlăy n’hanh ăp nău dơi geh ta trong tâm kơl mât rnă njrăng ngih dak đah 2 dak, đă 2 ding n’hao tay lơn nău tâm kơl na nê̆, săk rnglăy, tâm di đah nău geh bâh ăp dak, yor nău đăp mpăn n’hanh hun hao ta nkual n’hanh ta lam ntur neh.