Tổng Bí thư Nguyễn Phú Trọng lah na nê̆ nău uănh khlăy bâh Việt Nam đah nău tâm boh kan Việt Nam- Australia, rnê âk nău hun hao têh dăng, ngăn ngên n’hanh lĕ rngôch bâh nău tâm kơl đah bar ding tâm ăp năm ba năp.

Tổng Bí thư lah na nê̆ Việt Nam n’hanh Australia lah 2 dak ndrel ta nkual Châu Á- Thái Bình Dương, geh âk nău tâm ban, tâm boh kan lĕ rlet rlău âk rơh hun hao tâm 50 năm ba năp, geh pơk hvi n’hanh lăp jru tâm nău kan chính trị, tâm kơl kan wăng sa, khoa học, công nghệ, ntĭm n’hanh nti n’hanh mât rnă njrăng ngih dak, rnă njrăng đăp mpăn. Tổng Bí thư tâm ban ŭch mpeh trong kan hun hao tâm boh kan ndrel, tâm nĕ geh nău ndơ̆ tâm boh kan 2 dak hao du njoat mhe, tâm kơl an ueh lơn n’hanh n’hao săk rnglăy ƀư tĭng ăp nău tâm ton yor nău geh bâh ƀon lan 2 dak, yor nău đăp mpăn, tâm kơl n’hanh hun hao ta nkual n’hanh ta lam ntur neh.