VOV4.M’nông-  Kêng măng lơ 29/9, ta ntŭk kan Trung ương Đảng, Tổng Bí thư Nguyễn Phú Trọng lĕ vơt dêh rmên đồng chí Manuel Marrero Crus, Ủy viên Bộ chính trị Đảng Cộng sản Cuba, Thủ tướng Chính phủ Cộng hòa Cuba di rơh tât khâl ngăn Việt Nam.

Ta rơh vơt, Đồng chí Tổng Bí thư Nguyễn Phú Trọng lah na nê̆ Đảng, ngih dak n’hanh ƀon lan Việt Nam dŭt ryơk n’hanh lah ueh nău kơl an bâh Đảng, ngih dak n’hanh ƀon lan Cuba đah nău kan rklaih đăp mpăn mpôl rnoi n’hanh rdâk njêng ngih dak bâh Việt Nam. Tổng Bí thư knơm đah nău leo kan bâh Đảng Cộng sản Cuba têh kuăng, ƀon lan Cuba oh nô mbra geh ƀư dơi ntrong kan gĭt mpeh nău wăng sa- rêh jêng xã hội chủ nghĩa n’hanh nkô̆ mpŏng rdâk njêng ngih dak ƀư tơm, đăp mpăn, xã hội chủ nghĩa, ƀon lan ƀư tơm, têh kuăng n’hanh nâp nâl. Tổng Bí thư Nguyễn Phú Trọng đă bar ding n’hao nău tâm rgop n’hanh nsrôih mbơh tâm ban nău tâm boh kan ta lĕ pe nău tâm nchră đah Đảng, nchră nău đah ngih dak bah dih n’hanh nchră nău đah ƀon lan dak bah dih, ƀư tĭng săk rnglăy ăp nău tâm ton tâm kơl, ndrel tâm kơl.

VOV/Nuĭh rblang: Thị Đoắt