Kêng măng 28/8, ta ntŭk kan Trung ương Đảng, Tổng Bí thư Nguyễn Phú Trọng hŏ vơt Thủ tướn Singapore Lý Hiển Long dôl khâl ngăn dak Việt Nam. Tâm nar vơt, Tổng Bí thư Nguyễn Phú Trọng rnê prêh Thủ tướng Lý Hiến Long ndrel rmôt kan ntoh măt gưl prêh bah Singapore khâl Việt Nam di rnôk bar dak nkah 50 năm nar ndâk tâm boh nchră nau ndrel 10 năm ndâk tâm boh nau kan nsum. Tổng Bí thư kŏ ntoh nau rhơn mpeh nau hun hao tâm boh bah bar dak, lah rjăp nau uănh khlay đah nau n’hao tâm boh nau kan ma Singapore lah dak tâm dăch geh nau dơi khlay tâm nkuăl ndrel lam ntur neh.

Thủ tướng Lý Hiển Long mbơh đah Tổng Bí thư mpeh nau tă dơi geh tâm nchră đah Thủ tướng Phạm Minh Chính ndrel ăp rđau kan Việt Nam, tâm ban đah nau đă bah Tổng Bí thư Nguyễn Phú Trọng mpeh tâm boh, uănh nê lah nau kan geh khlay ân tâm boh bar ding tâm rơh tât.

 Kŏ tâm nar 28/8, ta ntŭk kan Kruanh dak, Kruanh dak Võ Văn Thưởng hŏ vơt Thủ tướng Singapore Lý Hiển Long. Bar rđau kan ntoh nau tâm ban nuih n’hâm bah năp nau hun hao jru đah âk nau tă geh dơi ndrel khlay ngăn tâm nau tâm boh bar dak tâm lôch 50 năm rlau aơ, ngăn lah tâm boh văng sa, rnă njrăng, ntĭm nti./.