M’nông- Kêng măng 28/3, ta Ngih pah kan Trung ương Đảng, Tổng Bí thư Nguyễn Phú Trọng lĕ wơt đồng chí Vương Ninh, Ủy viên Trung ương Đảng, Bí thư N’gor ủy Vân Nam dôl geh rơh khâl Việt Nam n’hanh ndrel ƀư tơm Rƀŭn nchră đah Bí thư N’gor ủy ăp n’gor Hà Giang, Lào Cai, Lai Châu, Điện Biên bah Việt Nam đah n’gor Vân Nam, Trung Quốc.

Ta rơh mâp, Tổng Bí thư Nguyễn Phú Trọng uănh lah prêh nău hun hao uĕh ta âk ntil tâm boh ăp ding năm bah năp, Tâm nĕ geh âk săk rnglăy dôl ntrŭt mpeh tâm nđŭr kan ndrel dăch dêh đah ăp ntŭk ta lam ntŭr neh bah Việt Nam đah n’gor Vân Nam. Tổng Bí thư Nguyễn Phú Trọng mpŏng ŭch n’gor Vân Nam n’hanh ăp ntŭk n’har bri Việt Nam lah hăn trong ƀư tĭng nău wât nsum đah kruanh gưl prêh, mât uănh mpeh nău tâm rnglăp dăch dêh n’hanh uănh khlay bah nău tâm boh Việt-Trung, na nê̆ tâm rgop nău mbơh nsum dơi geh tâm rơh khâl na nê̆ Trung Quốc mhe rlău, rgop ntrôl tâm boh kan ndrel dăch dêh way ơm đah 2 Đảng, 2 dak.