VOV4.M'nông: Kêng măng 25/4, ta Nhih pah kan Trung ương Đảng, Tổng Bí thư Nguyễn Phú Trọng hŏ wơt Đại sứ Hoa Kỳ Marc E. Knapper tât khâl dơm nkhêp geh rnôk dơn pah kan ta Việt Nam. Đại sứ Marc E. Knapper lah uĕh Tổng Bí thư Nguyễn Phú Trọng hŏ ntêm an mông nar wơt, mpơl nău rhơn n'hanh n'hao êng săk dơi plơ̆ pah kan tay ta Việt Nam kalơ nău kan lah Đại sứ Hoa Kỳ ta Việt Nam. Đại sứ Marc E. Knapper lah rjăp Hoa Kỳ ŭch tĭng du dak Việt Nam têh dăng, đăp mpăn, geh ndrŏng n'hanh ntrŭt ntrôl tâm boh bar dak nsing kalơ nău tâm uănh khlay nsum ăp nău way trong kan chính trị nsum. Đại sứ mbra nsrôih rgop tâm nău hun hao bah tâm boh Hoa Kỳ - Việt Nam. Tổng Bí thư Nguyễn Phú Trọng mbah rhơn Đại sứ Marc E. Knapper dơn nău kan khlay mhe ta Việt Nam; đă Đại sứ Marc E. Knapper rgop  uĕh tay n'hanh nău hun hao tâm boh bar dak n'hanh geh âk nău dơi tâm năm pah kan ta Việt Nam./.

Nuĭh rblang: Điểu Thân