Kêng măng 7/12, Tổng Bí thư Nguyễn Phú Trọng hŏ wơt Mpôl ntơh măt tahen gưl Lào tă bah wa Chăn-xa-mỏn Chăn-nha-lạt, Groi Thủ tướng Chính phủ, Bộ trưởng Quốc phòng leo mpôl geh hăn khâl ngăn n'hanh râng pla n'hơ njrăng n'gang neh dak đah dak bah dih Việt Nam năm 2022.

         Tổng Bí thư Nguyễn Phú Trọng mbah rhơn wa Chăn-xa-mỏn Chăn-nha-lạt leo Mpôl ntơh măt tahen gưl têh Lào hăn khâl ngăn Việt Nam; rnê âk nău way ơm, nău dơi tâm boh đah tahen bar dak ntơm  nơh n'hanh tâm ban kơt aƀaơ đŏng, nău dơi geh tâm nchră đah bar Bộ trưởng Quốc phòng. Tổng Bí thư dăn đă Bộ Quốc phòng bar dak ntĭk uĕh tay nău way ơm bah he, tĭng ƀư geh nău dơi ăp nău kan chính trị dơi jao, kan nsum lhăt an ƀư geh nău tam Nghị định thư n'hanh bôk nău kan, trong nchrăp tâm boh đah bar Bộ Quốc phòng, nkoch trêng jru hvi tay nkô̆ khlay lịch sử, nău khlay bah tâm boh mha êng Việt Nam – Lào tâm lam mpôl tahen. Tổng Bí thư lah uĕh Lào hŏ rong an Việt Nam nău ŭch tĭng n'hanh nău kơl têh kuâng bah ntơm tât aƀaơ, tâm nê geh nău tâm  rnglăp, krêp dêh, ntop kơl bah tahen Lào; lah rjăp nkô̆ khlay bah tâm boh mha êng Việt Nam – Lào mô dơn lah bar dak kâng n'har, ma hôm lah oh nô dêh bên, ndrel tâm pă nău krit jêr tâm n'gâng kan rlăch ndăng rklaih luh rnoi nuĭh dơn ngoăy neh dak tâm ban kơt tâm rơh pah kan rdâk njêng n'hanh mât njrăng neh dak aƀaơ.

VOV/Nuĭh rblang: Điểu Thân