VOV4.M'nông: Kêng măng 20/5, ta nhih pah kan Trung ương Đảng, Tổng Bí thư Nguyễn Phú Trọng hŏ wơt Kruanh Quốc hội Singapore, wa Tan Chuan-jin n'hanh mpôl ntơh măt Quốc hội Singapore dôl khâl ngăn Việt Nam. Wa Kruanh Tan Chuan-jin mpơl nău rhơn lor bôk năp hăn khân ngăn, dơi uănh saơ hun hao wăng sa- rêh jêng kon nuĭh têh kuâng bah Việt Nam. Kruanh Quốc hội Singapore mbơh đah Tổng Bí thư jêh tâm nchră đah Kruanh Quốc hội Vương Đình Huệ, tâm nê geh nău bar ding ký ton si ƀŭt nkah mpeh tâm boh, tâm ban ŭch n'hao âk trong tâm khâl, tâm mâp nsum đah ăp nghị sĩ, tâm boh đah ăp ủy ban chuyên môn, tâm pă nău tă ơm gĭt kan tâm ăp trong kan bah quốc hội bar dak n'hanh tâm boh ta ăp rgum nchră dak bah dih. Tổng Bí thư Nguyễn Phú Trọng rhơn rnê hăn khâl Việt Nam bah Kruanh Quốc hội Singapore, mpơl nău nsing nơm an lah hăn khâl mbra ntơm jâng khlay tâm rnôk bar dak dôl rƀŏng tât nkah ndray 50 năm njêng tâm boh n'hanh 10 năm plơ̆ njêng tay tâm boh têh jong đah bar dak tâm năm 2023./.

Nuĭh rblang: Điểu Thân