Ta nhih pah kan Trung ương Đảng, Tổng Bí thư Nguyễn Phú Trọng hŏ wơt Mpôl ntơh măt Thượng viện Pháp tă bah Kruanh Thượng viện Gérard Larcher leo nkhêp geh hăn khâl ngăn Việt Nam.

Tổng Bí thư Nguyễn Phú Trọng rnê âk nău dơi tâm nchră đah Kruanh Thượng viện Pháp n'hanh Kruanh Quốc hội Vương Đình Huệ, tâm ôp mpeh nău khlay kan bah Quốc hội Việt Nam tâm nău rêh bah neh dak n'hanh nău khlay tâm boh đah dak bah dih bah Việt Nam, lah rjăp nău khlay kan bah nhih pah kan njêng pháp luật bar dak tâm trong tâm boh bar ding, dăn đă bar ding mât uĕh tay săk geh tâm boh têh n'hanh ăp nău dơi tâm boh hŏ dơi geh tâm bah ri aơ nơh, ntrôl dăng tâm mâp gưl têh n'hanh ăp gưl ta lĕ rngôch ăp trong kan Đảng, Ngih dak, Quốc hội n'hanh ƀon lan, n'hao dăng tâm boh, nkoch nău mĭn đah nhih pah kan njêng pháp luật đah  bar dak ta  ăp rơh rgum nchră âk ding. Tổng Bí thư Nguyễn Phú Trọng dăn đă bar ding ntrŭt ntrôl tay gay ndơ̆ tâm boh têh dơi jŏ jong hun hao mhe, nsĭt tay nău geh ngăn ngăn an ƀon lan bar dak tâm lĕ rngôch ăp trong kan n'hanh rgop an đăp mpăn, tâm boh, hun hao ta nkual n'hanh lam ntŭr neh.

VOV/Nuĭh rblang: Điểu Thân