Kêng măng 13/12, ta Ngih Trung ương Đảng, Tổng Bí thư Nguyễn Phú Trọng lĕ wơt Mpôl đại biểu gưl prêh ban Tuyên huấn Trung ương Đảng Nhân dân Cách mạng Lào yor wa Khăm-phăn Phởi-nhạ-vông, Bí thư Trung ương, Kruanh Ban Tuyên huấn Trung ương, Kruanh Hội đồng Lý luận Trung ương leo bôk, dôl geh rơh khâl, pah kan ta Việt Nam.

Lam ntŭk rƀŭn tâm nar wơt

Ntoh ngơi ta nar wơt, tổng Bí thư Nguyễn Phú Trọng mĭn lah nău khlay bah Đảng, Ngih dak, nuĭh ƀon lan Việt Nam mpeh nău tâm boh khlay nsum nkre lah đồng chí nkre lah oh nô, hăn ndrel tâm nău rklaih luh đăp mpăn rnoi nuĭh bah năp đaơ kơt tâm nău ndâk njêng n’hanh mât njrăng neh dak nar aơ. Đồng chí Tổng Bí thư uănh lah prêh săk rnglăy kan ndrel đah 2 Ban Tuyên giáo kơt săk rnglăy rgum nchră, lĕ rgop khlay nâp nâl n’hanh n’hao nâp tâm boh Việt Nam-Lào, nkre dăn đă tâm năm tât, 2 ding an mât uĕh nău way ơm bah nơm, ƀư tĭng dơi ăp nău kan chính trị dơi jao, tâm rgop rjăp, mbơh ƀư săk rnglăy tâm ton kruanh gưl prêh 2 Đảng, 2 dak n’hanh Tâm ton kan ndrel đah 2 Ban Tuyên giáo Trung ương.