Tổng Bí thư Nguyễn Phú Trọng rnê wa Toàn quyền Australia David Hurley ndrel I ur n’hanh mpôl đại biểu gưl prêh Australia hăn khâl Việt Nam; uănh lah prêh nău hun hao uĕh, âk ntil tâm ăp nău kan ndrel ăp ding Việt Nam-Australia năm bah năp, ngăn lah tăch rgâl n’hanh tâm nđŭr nuĭh Việt Nam.

Jêh rnôk djăt wa Toàn quyền tâm nchră mpeh săk rnglăy rơh rgum nchră, rgop nău đah ăp nuĭh kruanh Việt Nam n’hanh ăp nău ƀư bah Rmôt kan, Tổng Bí thư tâm ban ŭch đah trong hun hao tâm boh 2 dak tâm năm tât, nkre lah rjăp ăp săk rnglăy dơi geh mbơh ƀư tâm boh kan ndrel Việt Nam-Australia lah n’gâng tơm an 2 dak rƀŏng tât nău ƀư mhe têh lơn. Tổng Bí thư lah rjăp Việt Nam ƀư tĭng nău kơl tâm rnglăp nchră nău bah dih đăp mpăn, ƀư tơm, kan ndrel, dăn đă 2 ding ntrôl dăng tâm boh chính trị, ƀư tĭng săk rnglăy ăp tâm ton lĕ ký n’hanh ntrôl tâm nđŭr nuĭh ƀon lan, n’hao tâm rgop ăp nău lam ntŭr neh, mpŏng ăp ngih pah kan 2 ding ndâk njêng ăp trong nchrăp, bôk nău kan na nê̆, tĭng lvang gay ndơ̆ tay kan ndrel ăp ding nar lơ hăn jru, ngăn ngên n’hanh săk rnglăy.