Kêng măng ntri (23/6), ta Nhih pah kan Trung ương Đảng, Tổng Bí thư Nguyễn Phú Trọng hŏ wơt Tổng thống Hàn Quốc Yoon Suk Yeol tâm rnôk hăn khâl Ngih dak tât Việt Nam. Tổng Bí thư Nguyễn Phú Trọng nsing nơm hăn khâl mbra ntơm jâng mhe, ntrŭt ntrôl tâm boh bar dak hun hao tay uĕh lăng lơn đŏng đah hao prêh mhe, jru hvi lơn n’hanh săk tam lơn tâm let năp tay. Tổng Bí thư lah rjăp, tâm boh bar dak hŏ tă ntul rlong ma mông nar n’hanh mpŏng mbra nar lơn ma hun hao uĕh lăng, yor ma nău geh bah ƀon lan bar dak.

Tổng thống Hàn Quốc dăn đă bar ding ân ŭanh khlay ntĭm nti rơh mom ndăm bar dak; Hàn Quốc mbra an rong lor ntĭm nti an sinh viên Việt Nam, nta trong dơh gay sinh viên Việt Nam lăp kơt nti ta ăp nhih nti công nghệ cao bah Hàn Quốc, ƀư ntung njŏ nâp an tâm boh tâm rnglăp đah bar dak; dăn đă bar ding n’hao dăng tâm nđŭr ƀon lan, ntrôl dăng tâm boh tâm ăp trong kan ntĭm nti, khoa học công nghệ, ndơ̆ tâm boh Hàn Quốc - Việt Nam jêng trong ntĭt leo lor tâm boh  dak bah dih, bar dak ndrel nsrôih yor ma nău đăp mpăn, tâm boh n’hanh têh ndrŏng./.