Kêng măng 31/3, Tổng Bí thư Nguyễn Phú Trọng hŏ wơt wa Lưu Ninh, Bí thư Đảng ủy Khu tự trị Quảng Tây, Trung Quốc dôl geh hăn khâl Việt Nam. Tổng Bí thư Nguyễn Phú Trọng lah uĕh mpeh nău kơl bah Đảng, Chính phủ n'hanh ƀon lan Trung Quốc đah Việt Nam tâm rơh rlăch ndăng nsĭt tay nău đăp mpăn ntơm nơh n'hanh rdâk njêng chủ nghĩa xã hội aƀaơ.

Rnê âk nău Đảng bộ, n'gâng kan n'hanh ƀon lan Quảng Tây âk năm rlău aơ way uănh khlay mât ndray ăp nkual têl ơm yău geh tât Kruanh Hồ Chí Minh n'hanh cách mạng Việt Nam ta Quảng Tây. Tổng Bí thư Nguyễn Phú Trọng mpơl nău rhơn mpeh ăp nău hun hao mhe tâm boh đah Quảng Tây n'hanh ăp n'gor n'har bri bah Việt Nam hŏ geh ăp njuat hun hao uĕh lăng; dăn đă Quảng Tây n'hanh ăp n'gor n'har bri bah Việt Nam hăn lor n'hanh mât uĕh nuih n'hâm dâk hăn lor tâm trong tâm boh wăng sa - tăch rgâl, an ƀư tâm boh pâl nđaih, rnă njrăng - njrăng n'gang neh dak, tâm nđŭr ƀon lan, ndrel rdâk njêng trong n'har bri đăp mpăn, tâm rnglăp.