Ôi lơ 25/7, Tổng Bí thư Nguyễn Phú Trọng tât râng ndrel ntoh nau ngơi tâm rnôk di nkah 75 năm nar ndâk rmôt kan ăp Hội văn học nghệ thuật Việt Nam.  Ntoh măt rđau kan Đảng ndrel Ngih dak, Tổng Bí thư Nguyễn Phú Trọng rnê prêh ndrel lah ueh ăp nau rgop têh ngăn bah rmôt văn nghệ sĩ dak nơm, bah rmôt ăp Hội văn học nghệ thuật Việt Nam tâm 75 năm rlau aơ. Lah rjăp nau khlay bah văn học nghệ thuật, Tổng Bí thư Nguyễn Phú Trọng đă, ăp gưl uỷ đảng, n’gâng kan tă bah Trung ương tât nkuăl ân geh ndơn jru lơn tay mpeh nau mĭn, nau kan khlay bah văn hoá, văn học nghệ thuật tâm nau rgâl mhe.

Ndâk ndrel mât neh dak, mro bonh đă, pơk trong nơih ân ăp nau kan văn hoá, văn học nghệ thuật hun hao. Tổng Bí thư ŭch ndrel kâp rnơm lah, nau kan văn học nghệ thuật cách mạng Việt Nam ndrel ăp rmôt văn nghệ sĩ lŏ ƀư ueh ăp nau tă dơi bah văn học, nghệ thuật 75 năm ma aơ, lah rjăp mra rlet nau jêr, ntul rlong gay geh âk nau ueh lơn đah kon nŭih ndrel neh dak Việt nam geh âk nau ŭch, tŏng dơi nuih n’hâm kâp rnơm bah ƀon lan./.