Nkah gĭt 80 năm Nar way ơm uĕh lăng bah Tổng cục Chính trị Tahen ƀon lan Việt Nam, lơ 5/11, lĕ ƀư rgum nchră đah bôk nău “Huêng phan, trong rêh bah tahen cách mạng”. Ăp nău râng tâm nchră ta rgum nchră uănh lah, tâm 80 năm ndâk njêng, tâm lơh, lôch uĕh n’hanh hun hao, Tổng cục Chính trị lĕ mô rlu têh jêng, ngăch dăng, lôch uĕh gưl, nău kan dơi jao; ntĭm rđău jru, ngăch, săk rnglăy trong kan ndâk njêng ngih pah kan chính trị lam ƀon lan nâp dăng lĕ rngôch, rgop n’hao tam, săk rnglăy ntĭm rđău bah Đảng đah tahen.

Ăp nău râng tâm nchră ntĭm kloh, tâm lvang aƀaơ, nău kan mât njrăng neh dak n’hanh ndâk njêng Tahen n’gluh an đă nar lơ prêh đah Tổng cục Chính trị n’hanh ngih pah kan chính trị ăp gưl tâm lam tahen. Mât uĕh nău way ơm “Trung thành-Kiên định”; Leo lor-Ntoh lư”, Tổng cục Chính trị mât uĕh tay nuih n’hâm, mĭn lor tâm ôp tâm nchră, mbơh ƀư săk rnglăy ăp nghị quyết, trong nchrăp kan, ntĭm đă, ntĭm mpeh ƀư tĭng nău kan mât njrăng Neh dak n’hanh ndâk njêng Tahen tâm nu nău mhe.