Dơn nău jă bah Kruanh dak Võ Văn Thưởng, nar aơ, 21/8, Tổng thống Cộng hòa Kazkhstan-Jomart Tokayev ntơm hăn khâl na nê̆ Việt Nam. Aơ lah rơh bôk năp Tổng thống Tokyev tât Việt Nam ta nău kan mhe, ndrel rơh khâl bôk năp bah du Tổng thống Kazkhstan tâm 12 năm bah năp, geh nkô̆ khlay ntrôl lơn tay tâm boh kan ndrel dăch dêh Việt Nam-Kazakhstan, lơn lah mpeh wăng sa, tăch rgâl.

Tâm rnôk khâl rơh aơ, 2 ding mbra ký ton rlău 10 tâm ton, tâm nĕ nkoch tât trong nchrăp tâm rgop ƀư gay ntrôl hun hao kan ndrel wăng sa-tăch rgâl. Ndrel đah nĕ tâm ton mpeh nău kơl mô dŏng thị thực an nuĭh ƀon lan 2 dak. Ôi 20/8, Tổng thống Cộng hòa Kazakhstan Kasym-Jomart Tokayev tât an nkao ta rup ndah nkah gĭt ăp nuĭh tahen janh dăng lĕ khĭt n’hanh an nkao nkah gĭt ta Lăng Kruanh Hồ Chí Minh. Jêh ƀư wơt na nê̆ ta Ntŭk kruanh dak, Kruanh dak Võ Văn Thưởng n’hanh Tổng thống Tokayev ntơm tâm nchră.