Aơ lah rơh tât khâl gâl ngih dak bôk năp tât Việt Nam bâh Tổng thống Hàn Quốc Yoon Suk Yeol n’hanh Việt Nam lah dak Đông Nam Á bôk năp Tổng thống Yoon Suk Yeol tât khâl rnôk dơn nău kan ta khay 5 năm 2022.

Rơh tât khâl geh tâm rnôk nău tâm boh 2 dak hun hao dŭt ueh. Bar ding lĕ n’hao nău tâm boh kan ndrel lĕ rngôch di ta rnôk kahgĭt 30 năm njêng nău tâm boh nchră nău đah bar dak năm 2022. Rơh tât khâl lĕ mpơl nău uănh rnê bâh chính phủ Hàn Quốc n’hanh êng Tổng thống Yoon Suk Yeol đah nău tâm boh kan Việt Nam- Hàn Quốc. Rơh tât khâl Việt Nam rơh aơ bâh Tổng thống Hàn Quốc geh khlăy lah ndrel Việt Nam, dak kan ndrel tơm khlăy bâh Hàn Quốc, ntơm pah kan mbơh tơih tŏng ăp nău mĭn tâm rnglăp Hàn Quốc- ASEAN (KASI).