VOV4.M’nông – Tâm rnôk hăn khâl na nê̆ Việt Nam bah nar 14-20/3, tĭng nău jă bah Kruanh dak Nguyễn Xuân Phúc n’hanh I ur, ôi 15/3, Tổng thống Julius Maada n’hanh I ur ndrel mpôl ntoh măt dak Cộng hòa Sierra Leone tât an nkao, lăp Lăng chop Kruanh Hồ Chí Minh; an nkao ta Rup ndah nkah gĭt ăp Nuĭh janh dăng lĕ khĭt. Tĭng bôk nău kan, Kruanh dak Nguyễn Xuân Phúc n’hanh Tổng thống Julius maada Bio mbra tâm nchră ndrel, uănh ký ton sam ƀŭt khlay đah 2 dak. Jêh nĕ, Tổng thống Julius Maada Bio mbra rgum nchră đah Thủ tướng Chính phủ Phạm Minh Chính, Kruanh Quốc hội Vương Đình Huệ. Rơh khâl na nê̆ Việt Nam bah Tổng thống dak Cộng hòa Sierra Leone uănh khlay ndâk njêng, hun hao tâm boh kan ndrel đah ăp dak nkual châu Á-Thái Bình Dương, tâm nĕ geh Việt Nam.

Nuĭh rblang: Y Sưng Phê Ja