VOV4.M'nông: Ôi 25/2 tĭng mông ta ntŭk nê, nău way ƀư wơt ngăn Kruanh dak Nguyễn Xuân Phúc n'hanh i ur ndrel mpôl ntơh măt gưl têh Việt Nam hŏ ƀư rgum ta nhih pah kan Tổng thống Singapore ta nâm nău ƀư tơm bah Tổng thống Singapore Halimah Yacob n'hanh i sai. Lôch rnôk wơt, Kruanh dak Nguyễn Xuân Phúc hŏ ôp srĭng nău Tổng thống Halimah Yacob.

Tĭng bôk nău kan lôch rơh ôp srĭng nău đah Tổng thống Cộng hòa Singapore Halimah Yacob, Kruanh dak Nguyễn Xuân Phúc ƀư tâm nchră đah Thủ tướng Singapore Lý Hiển Long n'hanh ndrel uănh saơ tâm rgâl du đêt si ƀŭt tâm boh đah ăp n'gâng kan bar dak. Hăn khâl Singapore rơh dja bah Kruanh dak Nguyễn Xuân Phúc mbra rdâk tay nău nsing nơm chính trị, ƀư jru hvi lơn tâm boh têh jong tâm boh âk ntil, ndơ̆ tâm boh bar ding Việt Nam - Singapore lăp ngăn ngăn, geh nău tam lơn./.

Nuĭh rblang: Điểu Thân