VOV4.M’nông: Ta ntŭk kan bah Liên hợp quốc ta New York, Mỹ, Tổng thư ký Liên hợp quốc Antonio Guterres hŏ vơt nŭih kan ntoh măt bah dak nơm Đặng Hoàng Giang, Kruanh rmôt kan rnâng kan bah Việt Nam tâm Liên hợp quốc. Tổng thư ký Guterres rhơn Việt Nam hŏ geh dơi lăp tâm Hội đồng Nhân quyền bah Liên hợp quốc năm kan 2023-2035, rnơm Việt Nam mra lŏ rgop nau kan ueh, săk tam tâm nau kan ntrŭt dăng ndrel mât nau dơi kon nŭih.

Tổng thư ký rhơn lah rjăp, păng mra khâl ngăn Việt Nam di nkah 45 năm Việt Nam lăp tâm Liên hợp quốc (1977-2022). Wa Đặng Hoàng Giang lah rjăp nau khlay bah rơh hăn khâl bah Tổng thư ký, lah rjăp Việt Nam ton nsôih rgop nau ngăn ân nau kan nsum bah Liên hợp quốc, tâm nê geh nau ntrŭt dăng ăp nkô̆ nau hun hao nâp nâl, rdâng đah nau rgâl mhe trôk nar ndrel mât rnă njrăng, đăp mpăn lam ntur neh./.

VOV/Nŭih rblang: H’Thi