Ndơ rdâk ƀư trong dêr mpeh bah dâng nkual ƀon têh Bảo Lộc (Lâm Đồng) lah ndơ ntop tay tâm nău nchrăp rdâk ƀư, nkra tay Quốc lộ 20 rlău 2 n’gor Đồng Nai n’hah Lâm Đồng tĭng trong ƀư BT (ndâk ƀư-jao an). Ndơ ƀư geh jong 15km đah prăk ntuh kơl lĕ dơi nkra rgâl rlău 720 rmen prăk, rdâk ƀư bah khay 2/2017.

Jêh rnôk ƀư geh 70% rnoh ndơ ƀư, ndơ ƀư lĕ an rlu ta dŭt năm 2020 yor mô tŏng prăk, ŭch tay rlău 183 rmen prăk tay mư ƀư jêh. Bôl n’gor lĕ ŭch an pă prakư bah tơm prăk n’gor gay ntop tay an ndơ ƀư yor wăk kol mpeh trong ƀư jêng tât aƀaơ N’gâng kan ntung trong mô geh trong an dôh rklaih. Nău ƀư trong an rlu lĕ geh âk nău khuch, jŭr djơh n’hanh mpŭng lir.