VOV4.M'nông: Ôi 7/4, ta Hà Nội, Thời báo Tài chính Việt Nam n'hanh Tạp chí Nhà đầu tư hŏ kan nsum ƀư rgum nchră "Tâm nkoch trong kan năm dŏng prăk kaih ntop kơl bôk nău kan sĭt jêng, hun hao wăng sa- rêh jêng kon nuĭh”. Tĭng ƀư Nghị quyết 11 năm 2022 bah Chính phủ mpeh bôk nău kan dâk hao, hun hao wăng sa- rêh jêng kon nuĭh, Bộ Tài chính hŏ nsrôih, ndăn gŭ mĭn, rdâk njêng n'hanh hao mbơh rblang gưl geh nău dơi kan an dŏng du đêt ăp trong kan khlay, gay ntop kơl nuĭh ƀon lan n'hanh doanh nghiệp. Du đêt trong kan dŏng prăk kaih, rong an, n'hŭch sŏk soăy, hŏ lăp tâm nău rêh n'hanh âk nău rnê uĕh. Ăp nău ntop kơl khlay dja hŏ rgop njêng suan ntrôl dăng gay doanh nghiệp n'hanh wăng sa dâk hao tay tâm quý 1 năm aơ. Ta rnôk tâm nchră, nuĭh ntơh măt Tổng cục Thuế n'hanh Tổng cục Hải quan hŏ mbơh nkoch nău lư mpeh du đêt trong nkra khlay ntop kơl doanh nghiệp tâm let năp tay, lơn lah mpeh rgâl dơh glêh si ƀŭt mât bôk kan, dŏng rgâl mbrô, hun hao sŏk soăy n'hanh mbluh hăn rlău n'har bri ma điện tử.

Nuĭh rblang: Điểu Thân