VOV4.M’nông: Geh tât nau kan trong trok dak Krông Pách Thượng 4.400 rmen mbrơi ƀư, lơ 21/3, rmôt hăn kan bah N’gâng kan tuch tăm ndrel hun hao ƀon lan hăn uănh ndrel đă ơm ƀư jêh nau kan ntrơn ntŭk gŭ yor rvê tât nau khuch geh tât kơt ăp năm bah năp. Rmôt hăn kan hŏ hăn uănh tâm ntŭk tơm bah trong hoch dak Krông Pách Thượng, ăp trong hoch tơm, trong teng ndrel bar ntŭk ntrơn rgâl du đê̆ ntŭk mrô ngoai ndrel mrô 2 bah nau kan.

Tĭng nau mbơh bah Rnâng kan mât nau nkra trong hoch dak 8, tât rnôk aơ, hŏ nkra geh nklăp 80% rnoh nau kan, dak bât tơm ƀư jêh ndrel hŏ nkra rlau 40km tâm rnoh 60km trong hoch dak. Đah nau ntrơn ntŭk gŭ, N’gâng kan tuch tăm ndrle hun hao ƀon lan đă tâm khay 6 tât, Dak Lak ân geh ntrơn lĕ ƀon lan luh bah nkuăl geh lip băm bah nglau hoch dak Krông Pách Thượng./.

Nŭih rblang: H’Thi