Kêng măng 20/3, ta Hà Nội, Trung ương Đoàn druh ndăm Cộng sản Hồ Chí Minh ndrel Tổng công ty Bưu điện Việt Nam (vietnam Post) ƀư nau kí nau nchrăp tâm boh lvang năm 2023-2026 đah nkô̆ nau rgum tâm nau kan kơl an ntrơn rgâl mrô ân đoàn viên, druh ndăm. Tĭng nau nchrăp tâm boh, lvang năm 2023-2026, 2 ding mra rgum tâm rgop ƀư ăp nau kơl an ntrơn rgâl mrô ân đoàn viên druh ndăm ndrel ăp ntil nau kan tăch rgâl tâm mrô, ngăn lah druh ndăm ƀon lan. Vietnam Post tâm rgop nsum đah Trung ương Đoàn ntĭm nti ân druh ndăm tâm lam dak nau gĭt tât nau n’hao nau blau ntrơn rgâl mrô, nkre nchrăp ăp nau kan gay ma ƀư nau kan khlay tâm nau kan tăch rgâl mrô kơt:

Dŏng ăp ndơ marketing mhe, nau blau ƀư Livestraem tăch ndơ, ndâk nkô̆ nau, rup ndak bah ndơ nơm ŭch tăch, mât ndrel kơl an năch dŏng...Vietnam Post mra kơl an druh ndăm tâm lam dak pơk hvi ntŭk tăch ndơ tâm Ntŭk kan tăch ndơ Điện tử Postmar.vn. Êp nê, Vietnam Post kŏ kơl an nau nkoch mbơh nau kan bah Đoàn, ăp ntil ndơ OCOP, ntil ndơ ndâk nau kan ân mom ndăm ƀư Đoàn mbơh tâm ăp ntŭk bưu chính tâm xã, nkuăl, n’gor ndrel ntrong tăch ndơ Online bah Vietnam Post./.