VOV4.M’nông: Rmôt Kruanh Uỷ ban Trung ương MTTQ Việt Nam mhe geh nau mbơh mpeh nau tă geh dơi uănh bah MTTQ Việt nam jêh rơh rƀŭn tal bar tât rơh rƀŭn tal 3, Quốc hội gưl 15. Ndrel ma nau ƀư jêh nau nchrăp mêt uănh lôch năm 2021, rmôt kan hŏ ntrŭnh 10 nkô̆ nau uănh tĭng nau nchrăp mêt uănh ndrel mbơh nau năm 2022. Ăp nau kan mêt uănh kŏ geh ăp nau dơi bôk năp khlay, rgop nau rgâl, rklaih ăp nau ê dơi, nau kol ndrel ƀư tĭng, rnê prêh ăp nau tă dơi geh tâm âk ntil kan....Năm 2022, MTTQ Việt Nam ƀư tơm nau mêt uănh du đê̆ nkô̆ nau khlay kơt: nau ntĭm nti, chiăr nti nau mĭn kan bah nŭih dâk bôk, cán bộ tơm, cán bộ đảng viên; ƀư nau ntrŭnh kơl an nŭih pah kan ndrel nŭih dŏng nŭih pah kan dôl mâp nau jêr yor srê Covid-19, kan kơl rklaih du đê̆ nau phong dôih jŏ jong, ƀư Bôk nau kan bah neh dak hun hao văng sa, rêh jêng nkuăl rnoi mpôl đê̆ ndrel gôl yôk./.

Nŭih rblang: H’Thi