VOV4.M’nông - Groi Thủ tướng Lê Văn Thành mhe ký ntrŭnh mrô 46/QĐ-TTg uănh an nău kan ƀư dăp rgum nkual Tây Nguyên năm 2021-2030, uănh tât năm 2050. Nău rƀŏng bah nău ƀư dăp rgum lah na nê̆ rgâl trong, nău kan n’hanh mkra wăng sa-rêh jêng đah nkual Tây Nguyên lah: N’hao săk rnglăy ăp rnoh neh tơm tăm jŏ năm, tơm dak si, jêng ăp trong tâm rgop tuch tăm, nkret njêng, mât prăp n’hanh tâm pă, ndâk njêng moh ndơ ta ntŭk tăch lam ntŭr neh; uănh khlay rdâk nkra tay n’hanh hun hao wăng sa bri; hun hao ŭnh nar nkra njêng; hun hao ăp ntŭk pâl nđaih têh, jêng ăp trong pâl nđaih way êng nkual Tây Nguyên; hun hao nuĭh kan, đăp mpăn ƀon lan gŭ, kơl lor mât rƀăy n’hanh rdâk nkra tay ăp nău khlay way ơm, nău uĕh bah ăp rnoi mpôl nkual Tây Nguyên; ndâk njêng tâm trong hăn ngăch n’hao trong hăn tâm nkual, ăp trong nthoi ăp n’gor Tây Nguyên đah Đông Nam Bộ, mper dak lêng Nam Trung Bộ đah Nam Lào n’hanh Đông Bắc Campuchia.

Nuĭh rblang: Y Sưng Phê Ja