VOV4.Mnông-  "Đă ăp ntŭk kan têh an geh n’hao nău kan uănh nđôi, mât njrăng nău tăch rgâl ăp ntil ndơ njrăng, săm nuh srê Covid-19 kơt lah dak si săm, kít xét nghiệm, máy veh rnoh oxy mham...gay ma ntop an bah nău rnoh khlăy ndra ma n’hao ăp ntil ndơ dŏng aơ n’hanh mât ueh săk soan an ƀon lan, mât nău dơi tâm di bâh nuĭh dŏng ndơ. Aơ lah ngoăy tâm âk nău dăn đă bâh rnâng kan Ủy ban pháp luật bâh Quốc hội ta nău mbơh tơih mpeh nău geh tât nău kan njrăng, rdâng nuh srê Covid-19 bâh trong kan ủy ban pháp luật mât nău kan mhe nơh. Tâm pơh ba năp, âk ntŭk lĕ geh kơp dơn rnoh ntưp nuh srê Covid-19 mhe ta oh kon se hao âk, ngăn lah rnôk ăp kon hoc mhe hăn nti rgum ta ngih nti tay. Yơn lah, nău ntĭm nti xét nghiệm, an gŭ êng uănh nđôi săk soan đah kon hoc geh nău ji ơm, nău mât săm rnôk kon hoc geh ntưp Covid-19 ta ngih nti, mông nar an gŭ nkah êng, đah kon hoc aƀaơ ê hŏ geh mbơh na nê̆, ê hŏ dơn ngoăy.

Nuĭh rblang: Thị Đoắt