Rơh tâm rlong 19 mpôl đah bơi tât 190 nuĭh tâm rlong lĕ tât tâm rlong, mpơl nău gĭt blău n’hanh nău nsrôih đah nău pah. Đah 3 gâl tâm rlong geh tâm ôp ngơi, nău gĭt vât pah kan n’hanh nău ngơi tâm ơh mpeh rgŏ jă ƀon lan, ăp mpôl tâm rlong lĕ nsĭt tât ăp nkô̆ nău ntoh n’gôr, gơih nđơr.

Tĭng nău mbơh bâh ntŭk leo kan, ăp mpôl kan lĕ geh nău nchrăp kan răng dăng, na nê̆, nkô̆ nău âk ueh, trong leo kan tâm di. Tâm nĕ, nkô̆ tâm rlong rklaih nău kan đah ăp nkô̆ nău tâm ơh ueh, ntoh lưh bâh nău kan rgŏ jă ƀon lan  pă njêng nău blău kan, geh âk, tâm di n’hanh geh nău mbơh tơih rgŏ jă ueh. Rnâng kan leo kan lĕ pă giải an 11 mpôl kan ntoh lư, 3 giải  an ăp mpôl tâm rlong geh nău kan êng, nău ngơi tâm ơh ntoh lư n’hanh geh nău tâm ôp ngơi ueh. Tâm nĕ, mpôl tâm rlong bâh Sở văn hóa, thể thao n’hanh pâl nđaih Dak Lak geh giải 1.