VOV4.M’nông: Di nkah rơh rƀŭn tal 3, Quốc hội gưl 15 geh ƀư ta Hà Nội, Uỷ ban Dân tộc ƀư mâp măt đah ăp ntoh măt Quốc hội lah nŭih tâm rmôt Hội đồng Dân tộc. Tâm nar mâp măt, Kruanh n’gâng kan Uỷ ban Dân tộc Hầu A Lềnh hŏ mbơh đah ăp nŭih ntoh măt mpeh nau ƀư nau kan rnoi mpôl, nau kan rnoi kơl an ndrel du đê̆ nau kan dôl geh ăp ntoh măt Quốc hội, cử tri ndrel ƀon lan uănh kơl. Tĭng nê, rnôk aơ du đê̆ nau kan geh ntoh măt Quốc hội, cử tri ndrel ƀon lan uănh kơl an. Tĭng nê, UBND ƀư tơm, ndâk 38 nau kan, nau kơl an rnoi mpôl gay ma ƀư kloh nau ntrŭnh, ntrong kan bah Đảng, Nau ntrŭnh bah Quốc hội, nau rđau bah Chính phủ ndrel Thủ tướng Chính phủ, uănh kơl an nau kơl an hun hao văng sa, rêh jêng, hun hao nŭih pah kan lah nŭih rnoi mpôl đê̆, nau kơl an đah nŭih geh bu rnơm tâm ƀon lan rnoi mpôl đê̆...Ngăn lah, bôk nau kan bah neh dak hun hao văng sa, rêh jêng nkuăl rnoi mpôl đê̆ ndrel gôl yôk lvang năm 2021-2030, Kruanh n’gâng kan Uỷ ban Dân tộc Hầu A lềnh lah, aơ lah nau kan têh bah Đảng ndrel Ngih dak mpeh nau kơl an rnoi mpôl đê̆, gay doh rklaih nau jêr, kol gay ƀư ueh bôk nau kan aơ./.

Nŭih rblang: H’Thi