Lơ 12/7, ta Hà Nội, Uỷ ban Dân tộc ƀư rơh rƀŭn lôch nau kan rnoi mpôl tâm 6 khay bôk năm, ntrŭnh ƀư nau kan tâm 6 khay dŭt năm 2023. Tâm nar rƀŭn, Kruanh n’gâng kan Uỷ ban Dân tộc Hầu A Lênh lah rjăp, êng ăp nkô̆ nau geh tât Bôk nau kan bah neh dak hun hao văng sa rêh jêng nkuăl rnoi mpôl đê̆ ndrel gôl yôk lvang năm 2021-2030, rnôk aơ, Uỷ ban Dân tộc hôm ƀư âk nkô̆ nau êng, kơt: Nau kan an đah nŭih geh bu rnơm,

Bôk nau kan “n’huch nau tâm gŭ ur sai ơm, tâm dăch dak mham tâm nkuăl rnoi mpôl đê̆”, Bôk nau kan “kơl an nau tâm ban bu ur bu klô tâm nkuăl rnoi mpôl đê̆ 2018-2035”; Ƀư du đê̆ nau ntrŭnh bah Chính phủ mpeh nau kan rnoi mpôl...Kŏ tĭng Kruanh n’gâng kan Hầu A Lềnh, Nau ntrŭnh mrô 88 bah Quốc hội nchŏng kloh 8 nau kan tơm tâm nau kan rnoi mpôl, tâm nê geh nau ƀư Bôk nau kan bah neh dak hun hao văng sa, rêh jêng nkuăl rnoi mpôl đê̆ ndrel gôl yôk, 7 nau kan hom e lah nau dŭt khlay, mô dơi geh nchlơi./.