Geh tât rơh tâm tom ndeh ta nkuăll Chư Pưh, n’gor Gia Lai ƀư geh 3 nuĭh chưng play ta câu lạc bộ Hoàng Anh Gia Lai khĭt, nar 13/8, wa Khuất Việt Hùng-groi kruanh mât kan ủy ban mât đăp mpăn hăn trong ngih dak lĕ geh rơh pah kan đah UBND nkuăl Chư Pưh mpeh nău kan mât đăp mpăn hăn trong ta Quốc lộ 14 hăn let ăp n’gor n’hanh tât chop khâl ăp rnăk vâl geh nuĭh khĭt rmanh.

Tĭng nău mbơh tơih, bâh bôk năm tât aƀaơ, ta nkuăl geh 13 rơh prah tâm tom ndeh, ƀư geh 10 nuĭh khĭt, 4 nuĭh rmanh. Dŭt nkah, dŭt âk ăp rơh tâm tom ndeh ta 31 km ta ntŭk trong QL 14 hăn let nkuăl. Ntoh ngơi ta rơh pah kan, wa Khuất Việt Hùng đă UBND nkuăl Chư Pưh rgum lĕ ăp mpôl kan gay ma ndâk nsơm nău tât bâh rơh prah tâm tom ndeh mhe nơh, ơm uănh nđôi, ndơ̆ mpôl kan tât ndâk nsơm nău tât , njrăng ăp ntŭk geh ƀư tih. Ta ntŭk an geh mbơh tơih ơm nău ntrŭp camera uănh nđôi nău mât đăp mpăn hăn trong. Ủy ban mât đăp mpăn hăn trong ŭch n’gor Gia Lai geh ăp trong kan jŏ jong mpeh nău ntrơn ntŭk gŭ ƀon lan rgŏ 2 ding trong Quốc lộ 14 gay ma mât đăp mpăn hăn trong.