VOV4.M’nông: Ôi lơ 23/2, tâm nkuăl ƀon têh Cần Thơ, Uỷ ban mêt uănh Trung ương ƀư rơh rƀŭn nchră mbơh nau ntrŭnh ndâk Vụ Địa bàn VIII; Mbơh nau kan tâm pă nau uănh n’ôi tâm Vụ Địa bàn VIII. Tĭng nê, Vụ địa bàn VIII geh ntŭk kan tâm mrô 41 trong Châu Văn Liêm, Phường Tân An, Quận Ninh Kiều, nkuăl ƀon têh Cần Thơ yor wa Nguyễn Thanh Sơn ƀư Kruanh. Vụ địa bàn VIII geh pă ƀư nau kan uănh n’ôi tâm nkuăl, rmôt kan tâm nkuăl Đồng bằng sông Cửu Long, geh: Cần Thơ, Đồng Tháp, An Giang, Tiền Giang, Bến Tre, Vĩnh Long, Trà Vinh, Hậu Giang, Sóc Trăng, Kiêng Giang, Cà Mau, Bạc Liêu ndrel Đảng uỷ quân khu 9. Nau kan ntơm lơ 10/2/2022. Bah năp nê bôk mông ôi, rmôt hăn kan bah Uỷ ban mêt uănh Trung ương, yor wa Trần Cẩm Tú leo trong tât mpoh kthup, tăm tơm si tâm ngih ôp brah nkah Kđăch Hùng tâm Quận Bình Thuỷ, Cần Thơ./.

Nŭih rblang: H’Thi