VOV4.M’nông-  Rơh rƀun nchră tal 11 bâh Ủy ban rnâng kan Quốc hội nchrăp geh ƀư bâh ôi tay, 11 tât 20/5 mbra an tâm rgop mpeh âk nkô̆ nău dŭt nkhlăy. Nĕ lah uănh n’hêl, ntrŭnh mbơh nău njêng nkuăl têh Phương Sơn ta nkuăl Lục Nam n’hanh njêng nkuăl têh Bắc Lý ta nkuăl Hiệp Hòa, n’gor Bắc Giang, ntrŭnh nău mbơh rgâl nkô̆ nău dŏng bri, neh bri n’hanh neh tăm ba bâh 2 yan let lơ bâh nău nchrăp kan rdâk njêng nău kan ƀư trong hăn têh Bắc-Nam mpeh luh nar lvang năm 2021-2025 ( lah lĕ tŏng nău).

Rơh  rƀŭn nchră tal 10 UBTV Quốc hội.

 Ủy ban rnâng kan Quốc hội an tâm rgop nău mpeh nău mbơh tơih uănh năl ntop nău geh ƀư tĭng trong kan hun hao wăng sa- rêh jêng n’hanh tơm prăk ngih dak năm 2021, nău mbơh tơih ƀư tĭng nău nchrăp hun hao wăng sa rêh jêng n’hanh tơm prăk ngih dak ăp khay bôk năm 2022. Uănh n’hêl nău nchrăp trong pah kan pă tơm prăk trung ương lvang năm 2021-2025 n’hanh năm 2022 an ăp n’gâng kan, ntŭk kan trung ương n’hanh ta ntŭk ƀư tĭng 3 bôk nău kan nkô̆ mpŏng ngih dak, ntop nău nchrăp an tơm prăk trung ương năm 2022 tâm dak pă an ăp n’gâng kan, ntŭk kan.

Nuĭh rblang: Thị Đoắt