VOV4.M’nông- Ƀư tay bôk nău kan rơh rƀŭn nchră tal 9, ôi nar 15/3, Ủy ban rnâng kan Quốc hội dơn ngoăy ntop an nău nchrăp tơm prăk ngih dak prăk ntuh kơl mô mplơ̆ tay bâh dak bah dih năm 2020, ntop ta nău nchrăp tơm prăk ngih dak prăk ntuh kơl mô mplơ̆ tay bâh dak bah dih năm 2021 gay ma mât đăp mpăn tŏng nău dŏng, mât tơm prăk ngih dak. Ta rơh rƀŭn nchră, kruanh Quốc hội Vương Đình Huệ an gĭt, tĭng Luật tơm prăk ngih dak, ăp rnoh prăk ntuh kơl mô mplơ̆ tay lah geh roh rui, mpŭng lir lah nău dơn kan bâh ntŭk kan mât uănh ngih dak, kruanh Quốc hội lah na nê̆ rnoh ntuh kơl mô mplơ̆ tay an geh dŏng mbơh tơih n’hanh geh nău mât uănh bâh Quốc hội. Kruanh Quốc hội lĕ dăn đă an nglah êng Vacxin Covid-19 luh rnoh kơl n’hanh ndơ̆ lăp ta bôk nău kan bâh kiểm toán ngih dak. Nar aơ 16/3, Ủy ban rnâng kan Quốc hội ntêm 1 nar gay ma leo ƀư ôp nău n’hanh ơh nău bâh đại biểu Quốc hội đah 2 nuĭh kan ndrel ta chính phủ, kruanh n’gâng kan Công thương Nguyễn Hồng Diên n’hanh kruanh n’gâng kan Tài Nguyên n’hanh môi trường Trần Hồng Hà mbra ơh nău ta rơh ôp nău bôk năp bâh Ủy ban rnâng kan Quốc hội khóa 15.

Nuĭh rblang: Thị Đoắt