VOV4.M’nông- Geh ƀư tay bôk nău kan rơh rƀŭn nchră tal 9, nar 14/3, Ủy ban rnâng kan Quốc hội djăt 2 mpôl kan uănh nđôi bôk nău kan mbơh tơih nău geh bôk năp mpeh “Nău ƀư tĭng ăp nghị quyết bâh Ủy ban rnâng kan Quốc hội mpeh nău pă dăp ăp ntŭk kan hành chính gâl nkuăl, gâl xã” n’hanh  “nău ƀư tĭng pháp luật mpeh vơt ƀon lan n’hanh doh rklaih nău tâm lah tâm phong. 3 năm ba năp, lam dak lĕ geh n’huch 3 rbăn 437 ntŭk kan ta gâl xã n’hanh 429 ntŭk kan ta gâl nkuăl, n’huch geh 706 cán bộ, công chức gâl nkuăl, 9.694 cán bộ, công chức gâl xã n’hanh 8.448 nuĭh pah kan mô way kan ta gâl xã. Lvang năm 2019-2021 lĕ geh dŏng mpêt nkrem rlău 2 rbăn rmen prăk. Bâh nĕ, lĕ geh tay rnoh prăk ntuh kơl gay ma hun hao wăng sa rêh jêng, ƀư tĭng nău kan jut n’huch ach o, rdâk njêng nkual ƀon lan mhe, ntop ƀư tĭng tâm ban ăp nău kơl mpeh rnă njrăng rêh jêng, n’hao nău dơi an nău rêh ƀon lan. Nău ƀư tĭng pháp luật mpeh vơt ƀon lan n’hanh doh rklaih nău tâm lah tâm phong, tâm nduĭh an saơ rnoh nuĭh tât ta ntŭk kan hành chính ngih dak gay ma tâm phong, tâm lah dăn đă, nkoch mbơh hao âk, rnoh nuĭh mpôl âk nuĭh hao, rnoh nău bâh nău dơi kan doh rklaih bâh ntŭk kan ngih dak hŭch.

Nuĭh rblang: Thị Đoắt