VOV4.M’nông: Lŏ bôk rơh rƀŭn tal 9, ôi lơ 14/3, rgop nau tâm nau tă geh ƀư nau kan ƀon lan ŭch khay 2/2022, Uỷ ban Rnâng kan Quốc hội đă Chính phủ, Thủ tướng Chính phủ uănh khlay, rđau n’huch nau kan ƀư sa tĭng rnoh hao khlay gay ma sa ndiăn. Cử tri rnê prêh nau lăp kan năn bah Quốc hội bah năp rnoh dak pring hao khlay mro, khuch ngăn tât nau kan ê kra, tăch tăm, nau rêh bah ƀon lan. Nau kan rnoh xăng, pring hao khlay geh nsum đah âk ntil ndơ hao khlay, ƀư nau kan tuch tăm, nau rêh ƀon lan mâp nau jêr. Uỷ ban Rnâng kan Quốc hội rđau N’gâng kan Công thương, N’gâng kan tơm prăk ndrel ăp n’gâng kan, ntŭk kan geh tât ƀư nau mât, nkân ân tam ăp rnoh hao khay bah ndơ, nau kan rnôk rgâl rnoh pring xăng, n’huch nau ƀư sa tĭng nau hao khlay gay ma ƀư tih, uănh khlay, kơl an ân nŭih ƀon lan ndrel ntŭk kan tăch rgâl./.

Nŭih rblang: H’Thi