Ntoh ngơi ta rơh ntơm pơk rƀŭn nchră, kruanh Qh Vương Đình Huệ đă Ủy ban rnâng kan QH mĭn uănh an tâm rgop mpeh nău khlăy an geh rgâl mhe, ntop nău nchrăp kan Luật ăp nău leo kan an manh prăk rgâl mhe.

Tâm ôi lơ 9/5, an tâm rgop ta nău mbơh tơih mpeh hun hao wăng sa- rêh jêng n’hanh tơm prăk ngih dak ăp khay bôk năm aơ, Ủy ban rnâng kan QH an lah, nău nchroh prao khay n’gul năm nău wăng sa mbra geh âk nău jêr jŏt lơn đah pe khay bôk năm, nău aơ geh nău ntul rlong têh dah chính phủ tâm nău leo kan tăch rgâl wăng sa têh ăp khay let năp tay gay ma nsrôih an geh nkô̆ mpŏng ŭch hun hao GDP 6,5% an lĕ năm. Kruanh n’gâng kan kế hoạch n’hanh đầu tư Nguyễn Chí Dũng an gĭt, nău wăng sa rêh jêng khay 4 n’hanh 4 khay bôk năm lĕ geh âk nău geh, nău wăng sa têh đăp mpăn, lạm phát geh mât njrăng.

          Ảnh: Ủy ban Thường vụ Quốc hội khai mạc Phiên họp thứ 23