Ôi 12/4, ta Ngih kan Quốc hội, tâm nâm nau rđau kan bah Kruanh Quốc hội Vương Đình Huệ, Uỷ ban Rnâng kan Quốc hội ntơm rƀŭn nkô̆ nau pháp luật khlay 4. Ntoh nau tâm nar rƀŭn, Kruanh Quốc hội Vương Đình Huệ mbơh, tâm rơh rƀŭn aơ, Uỷ ban Rnâng kan Quốc hội rgop nau mpeh 3 nau nchrăp luật khlay gay ma mbơh Quốc hội rgop nau tâm rơh rƀŭn tal 5, geh: Luật tăch rgâl neh ntu (rgâl nkra); Luật Viễn thông (rgâl nkra) ndrel Luật Căn cước cônh dân (rgâl nkra).

Kŏ tâm rơh rƀŭn aơ, Uỷ ban Rnâng kan Quốc hội rgop nau mpeh nau kan mbơh Quốc hội ntrŭnh nau ntop tay tâm Bôk nau kan ndâk njêng luật, pháp lệnh đah 2 nau nchrăp Luật: Luật Trong jâng, Luật đăp mpăn gung trong jâng. Nkre lah, ăp ntoh măt rgop nau mpeh nau mbơh bah Chính phủ đă du đê̆ nau kan mhe tâm nau mât luh, lăp, rlet, gŭ tâm dak ba dih tâm Việt Nam tâm nau ntrŭnh nsum bah Quốc hội rơh rƀŭn tal 5, nau ntrŭnh ntuh kơl Bôk nau kan trong tâm rgop nkuăl nthoi đah n’gor Khánh Hoà, Ninh Thuận ndrel Lâm Đồng./.