VOV4.M’nông: Lŏ bôk rơh rƀŭn tal 11, nar aơ lơ 12/5, Uỷ ban Rnâng kan Quốc hội rgop nau mpeh nau mbơh Quốc hội uănh, ntrŭnh nau ntuh kơl Bôk nau kan nkra trong teng têh 4 nkuăl Thủ đô Hà Nội; Bôk nau kan nkra trong teng 3 nkuăl ƀon têh Hồ Chí Minh. Bôk nau kan nkra trong têh 4 nkuăl Thủ đô Hà Nội 112,8 km, đah rnoh ntuh kơl lah 85 rbăn 813 rmen. Nau ŭch dŏng neh bah bôk nau kan nklăp 1.341 ha. Trong hăn teng 4 geh ntrơn leo lĕ gay ma nơih nkra trong tĭng nau ƀư ân jêh, đah nau hvi ntơm 90-135m. Chính phủ jao ân UBND nkuăl ƀon têh Hà Nội ndơn nau kan lah ntŭk kan tơm gay ma ƀư nau kan, đăp mpăn ân tâm di, tâm ban nau ƀư. Bôk nau kan trong teng 3 nkuăl ƀon têh Hồ Chí Minh geh rnoh ntuh kơl rlau 75 rbăn 300 rmen hăn rlet nkuăl ƀon têh Hồ Chí Minh, Đồng Nai, Bình Dương, Long An rnoh jong bơi tât 92 km. Ntrong aơ geh tâm bôk nau kan khlay bah neh dak, ƀư ntơm năm 2022 tât năm 2027./.

Nŭih rblang: H’Thi