VOV4.M’nông- Ƀư tay bôk nău kan rơh rƀŭn nchră tal 11, nar 13/5, Ủy ban rnâng kan Quốc hội uănh n’hêl nău nchrăp trong kan pă rnoh tơm prăk ngih dak trung ương lvang năm 2021-2025 n’hanh năm 2022 an cán bộ, ntŭk kan trung ương n’hanh ta ntŭk ƀư tĭng 3 bôk nău kan nkô̆ mpŏng ngih dak, uănh n’hêl nău pă nchrăp kan tơm prăk trung ương năm 2022 tâm dak pă an ăp n’gâng kan, ntŭk kan n’hanh an tâm rgop nău mpeh nău rgâl ndơ̆ prăk manh an manh tay, mât leo kan chính phủ jêng pă an tơm prăk ngih dak. Lôch nĕ, Ủy ban rnâng kan QH an tâm rgop mpeh nău kan ndơ̆ an QH uănh n’hêl, ntrŭnh mbơh nău ntrŭnh ntuh kơl lvang 1 ăp nău nchrăp kan rdâk njêng nău kan trong hăn têh Châu Đốc- Cần Thơ-Sóc Trăng, Khánh Hòa- Buôn Ma Thuột; Biên Hòa-Vũng Tàu. Aơ lah ăp nău nchrăp kan têh khlăy bâh nău leo kan bâh Quốc hội ntrŭnh ntuh kơl an, geh nău dŏng âk rnoh tơm prăk ngih dak trung ương, ta ntŭk, prăk ntuh kơl gleh nar n’hanh prăk rnoh kơl an nău wăng sa.

Nuĭh rblang: Thị Đoắt